ஊருக்கு நல்வரவுஊருக்கு நல்வரவு

ஊர்ச் செய்தி11 நவம்பர், 2026

கனடாவாழ் உறவுகளுடன் சிற்பனை முருகன் ஆலயத் திருப்பணி தொடர்பான முக்கிய கலந்துரையாடல் இனிதே நிறைவு

கனடா: சிற்பனை முருகன் ஆலயத் திருப்பணி வேலைகள் குறித்த முக்கிய கலந்துரையாடல் நிகழ்வு ஒன்று கடந்த ஞாயிற்றுக்கிழமை (நவம்பர் 08) கனடாவாழ் உறவுகளின் பங்கேற்புடன் மிகச் சிறப்பாக நடைபெற்றது. இந்நிகழ்வின் போது, ஆலயத்தின் தற்போதைய திருப்பணி வேலைகளின் முன்னேற்றங்கள் மற்றும் எதிர்காலத் திட்டங்கள் குறித்து காத்திரமான கருத்துப் பரிமாற்றங்கள் மேற்கொள்ளப்பட்டன. கனடாவாழ் உறவினர்கள் ஆலய வளர்ச்சியில் காட்டிய தீவிர அக்கறையும், விரைவில் நடைபெறவுள்ள குடமுழுக்கு நிகழ்வில் பங்கேற்க வேண்டும் என்ற அவர்களின் பேரார்வமும் அனைவருக்கும் பெரும் நெகிழ்ச்சியையும் ஊக்கத்தையும் அளித்துள்ளதாக ஏற்பாட்டாளர்கள் தெரிவித்தனர். இச்சந்திப்பின் போது, திருப்பணி நிதிக்காக இதுவரை கிடைக்கப்பெற்ற பங்களிப்புகள் குறித்த விபரங்களும் முறைப்படி பகிர்ந்துகொள்ளப்பட்டன. இந்நிகழ்வில் மிகுந்த ஆர்வத்துடன் கலந்துகொண்டு ஆதரவு வழங்கிய மற்றும் இந்நிகழ்வை மிகச் சிறப்பாக ஏற்பாடு செய்து உதவிய அனைத்து உறவினர்களுக்கும் ஏற்பாட்டுக் குழுவினர் தமது மனமார்ந்த நன்றிகளைத் தெரிவித்துக் கொண்டுள்ளனர். மேலும், தவிர்க்க முடியாத காரணங்களால் இந்நிகழ்வில் நேரடிப் பங்கெடுப்பை வழங்க முடியாமல் போன உறவினர்கள், ஆலயத் திருப்பணி பங்களிப்புகளை வழங்க கீழ்க்காணும் பிரதிநிதிகளைத் தொடர்புகொள்ளுமாறு கேட்டுக்கொள்ளப்படுகிறார்கள்: - திரு. கந்தையா மூர்த்தி : 416 804 2164 - திரு. லோகன் சுந்தரம் : 416 450 3984 - திரு. விசுவநாதன் யோகநாதன் : +44 7956 385091